Qubada iki nəfərin xəsarət alması ilə nəticələnən yol-nəqliyyat hadisəsi baş verib.
Shimal.News-un əldə etdiyi məlumata görə, qəza dünən gecə saatlarında Bakı-Quba yolunun Mirzəməmmədkəndi ərazisindən keçən hissəsində qeydə alınıb.
Avtomobil piyada olan kənd sakini 66 yaşlı Şıxzeyid Xəlilovu vurub. Nəticədə ban şüşə sınaraq sərnişin 32 yaşlı rayon sakini Həmidə Mehdiyevanın da xəsarət almasına səbəb olub. Yaralılar Quba rayon Mərkəzi Xəstəxanasına yerləşdiriliblər.
“1953-cü il və 1993-cü il təvəllüdlü şəxslərə qapalı kəllə-beyin travması, bədənin müxtəlif nahiyələrinin əzilməsi, sınığı diaqnozları təyin olunub. Hər iki şəxsə zəruri ilkin tibbi xidmət göstərilib.
Hər iki pasiyentin müalicəsi Travmatologiya şöbəsində davam etdirilir, vəziyyətləri orta ağır qiymətləndirilir”, - dəyə TƏBİB-dən bildirilib.
