Quba-Xınalıq yolunda avtomobil körpüdən aşıb, yaralananlar var.
Shimal.News-un əldə etdiyi məlumata görə, Şəki rayon sakini 61 yaşlı Sərdar Abbasovun idarə etdiyi 90 KE 880 dövlət nömrə nişanlı "Toyota Corolla" markalı nəqliyyat vasitəsi idarəetməni itirərək körpüdən çaya düşüb.
Nəticədə sərnişinlər Səbuhi Abbasov və Vüsalə Rəcəbova müxtəlif dərəcəli xəsarətlər alıb. Yaralılar Quba rayon Mərkəzi Xəstəxanasına yerləşdirilib. Hazırda onlara tibbi yardım göstərilir. TƏBİB yaralıların vəziyyəti ilə bağlı məlumat yayıb:
“03.08.2025-ci il tarixində saat 17:50 radələrində Quba rayonu ərazisində baş verən yol-nəqliyyat hadisəsi səbəbilə 2 nəfər (biri kişi, biri qadın cinsli) Quba Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub.
1976-cı il təvəllüdlü şəxsə (qadın cinsli) fəqərənin kompression sınığı, bir neçə sağ qabırğanın sınığı, döş qəfəsinin küt travması diaqnozu, 1996-cı il təvəllüdlü şəxsə isə (kişi cinsli) bel fəqərələrinin, sol qabırğaların və sol kürək sümüyünün sınığı diaqnozları təyin olunub.
Zəruri tibbi xidmətlər göstərildikdən sonra hər iki şəxs Travmatologiya şöbəsinə yerləşdirilib. Vəziyyətləri orta ağır qiymətləndirilir”.
***
Qubada yol-nəqliyyat hadisəsi qeydə alınıb.
Shimal.News-un əldə etdiyi məlumata görə, hadisə Quba Xınalıq yolunda baş verib.
Şahidlərin sözlərinə görə, rayona qonaq gələn “Toyota” markalı avtomobilin sürücüsü idarəetməni itirib. Nəticədə nəqliyyat vasitəsi damı üstə körpüdən çaya düşüb.
Ölüm hadisəsi qeydə alınmayıb.
View this post on Instagram
