Şahidlər qəzanın təfərrüatını Shimal.News-a danışıblar.
Onların bildirib ki, həmin ərazidə piyada keçidi zolaqları olub. Lakin hazırda boya solub və gözlə görünmür, xüsusən də havanın qaranlıq vaxtı. Xəsarət alan qadınlar yolu keçən zaman avtomobil tərəfindən onlara yol veriləcəyini zənn ediblər. Nəticədə qəza baş verib.
10:12
Quba şəhərində piyadaların xəsarət aldığı qəza qeydə alınıb.
Shimal.News-un əldə etdiyi məlumata görə, hadisə noyabrın 12-si saat 18:00 radələrində M.P.Vaqif küçəsində baş verib. 61 yaşlı Aybəniz Qafarova və 63 yaşlı Ceyran Eynullayeva yolu keçmək istədikləri zaman onları “Mercedes” markalı avtomobil vurub.
Əraziyə polis və tibb işçiləri cəlb olunub.
Yaralılar təcili tibbi yardım avtomobili ilə Quba Müalicə Diaqnostika Mərkəzinə çatdırılıblar. Hazırda onlar Travmatoloji şöbədə stasionar müalicə alırlar.
