Qubada yük və minik avtomobilləri toqquşdu: Xəsarət alanlar var - YENİLƏNİB

Fövqəladə Hallar Nazirliyinin (FHN) "112" qaynar telefon xəttinə Quba şəhərində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub. Əməliyyat şəraiti qiymətləndirilərkən müəyyən olunub ki, “VAZ” markalı minik avtomobili ilə "KamAZ" markalı yük avtomobili toqquşub, bir nəfər minik avtomobilində sıxılı vəziyyətdə qalıb.

11:10

Qubada bu gün saat 07:00 radələrində yol-nəqliyyat hadisəsi qeydə alındığını xəbər vermişdik.

Shimal.News-un əldə etdiyi məlumata görə, xəsarət alan 3 nəfər (kişi cinsli) Quba Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya edilib:

• 2004-cü il təvəllüdlü şəxsə sağ bud sümüyünün çıxığı diaqnozu təyin edilib və zəruri tibbi xidmətlər göstərildikdən sonra Travmatologiya şöbəsinə yerləşdirilib;


• Digər 2004-cü il təvəllüdlü şəxsə isə qapalı-kəllə beyin travması, baş-beyin əzilməsi, üzün sağ nahiyəsinin kəsilmiş-cırılmış yarası diaqnozu təyin olunaraq Reanimasiya şöbəsinə yerləşdirilib, vəziyyəti ağır qiymətləndirilir;


• 2008-ci il təvəllüdlü şəxsə  qapalı kəllə-beyin travması, komatoz vəziyyət, beyin silkələnməsi diaqnoz təyin olunaraq Reanimasiya şöbəsinə yerləşdirilib, vəziyyəti ağır qiymətləndirilir.

Quba şəhərində səhər saatlarında yol-nəqliyat hadisəsi qeydə alınıb.

Shimal.News-un əldə etdiyi məlumata görə, qəza Əliqulu Nərimanov və Qələbə küçələrinin kəsişməsində baş verib.

İlkin olaraq 3 nəfərin xəsarət aldığı bildirilir.

Əlavə məlumat veriləcək.