Quba rayonu Üçkün kəndi ərazisində baş verən yol-nəqliyyat hadisəsində 3 nəfər (kişi cinsli) Quba Rayon Mərkəzi Xəstəxanasına hospitalizasiya olunub. Bir nəfərin isə hadisə yerində ölüm faktı qeydə alınıb.
1985-ci il təvəllüdlü şəxsə bədənin bir neçə nahiyəsinin yumşaq toxumalarının küt travması, 1978-ci il təvəllüdlü şəxsə boyunun və döş qəfəsinin yumşaq toxumalarının küt travması, 1977-ci il təvəllüdlü şəxsə isə göz qapağının və qaşın kəsilmiş açıq yarası diaqnozu təyin olunub.
Hazırda Təcili Tibbi Yardım bölməsində müalicələri davam etdirilir. Vəziyyətləri stabil olaraq qiymətləndirilir.
21:12
Qubada yol-nəqliyyat hadisəsi qeydə alınıb.
Shimal.News xəbər verir ki, "Lexus" markalı minik avtomobili rayonun Üçgün kəndi ərazisində idarəetməni itirərək dərəyə aşıb.
Hadisə nəticəsində 1 nəfər ölüb, 2 nəfər xəsarət alıb.
Qəzada dünyasını dəyişən şəxs, Xaçmazda tanınan iş adamı, "Mal bazarı"nın sahibi, 1979-cu il təvəllüdlü Şamil Zehyəddin oğlu Orucovdur.
Ölən və yaralanan şəxslərin kimliyi dəqiqləşdirilir.
