Qubanın Yerfi kəndində sel fəsadlarının aradan qaldırılması ilə bağlı işlər aparılır. Bu barədə ShimalNews 6 iyul tarixində “Bizim.Media”ya istinadən məlumat verir.
11 saylı Xüsusi Təyinatlı Yol İdarəsinin rəisi Hikmət Seyidov deyib ki, 3-4 gün ərzində uçmuş körpünün inşası başa çatacaq.
20 gün əvvəl baş verən leysandan sonra əmələ gələn güclü sel dağ kəndlərinin yollarını yararsız vəziyyətə salmışdı. Hazırda artıq Qonaqkənd-Muçu-Xaltan, Qonaqkənd-Ördüc, Çayqovuşan-Yerfi, Dərk, Talış, Çayqovuşan-Söhüb, Rük və Adur kənd yolları nəqliyyat vasitələri üçün tam işlək vəziyyətə gətirilib.
