Quba şəhərinin Səməd Vurğun küçəsinin asfalt örtüyü uzun müddətdir ki, yararsız vəziyyətdədir.
Bununla bağlı Shimal.News-a danışan sakinlərin sözlərinə görə, Səməd Vurğun küçəsinin Əliqulu Nərimanov küçəsi ilə kəsişən hissəsində, təxminən 100 metrdən artıq məsafədə yol ciddi şəkildə dağılıb
“Həmin ərazidə iri çuxurlar və gölməçələr yaranıb. Bu yol xeyir-şər evinin yaxınlığında yerləşir və burada tez-tez yas mərasimləri keçirilir. Yol həmçinin olduqca işləkdir. Yağış yağdıqda gölməçələr su ilə dolur, avtomobillər keçərkən su insanların üzərinə sıçrayır, narazılıq yaranır. Üstəlik, yolun səki hissəsi də yoxdur. Aidiyyəti qurumların məsələni tez zamanda həll etmələrini istəyirik” - deyə onlar bildiriblər.
