Quba rayonunun Xanəgah kəndində yaşayan sakinlər uzun illərdir kəndə təbii qaz xəttinin çəkilməsini gözləyirlər.
Məsələ ilə bağlı Shimal.News-a müraciət edən vətəndaşlar bildiriblər ki, kənddə odunla isitmə səbəbindən ətrafdakı meşə zolaqlarına ziyan dəyir.
Sakinlərin sözlərinə görə, yaxınlıqdakı Rustov kəndində təbii qaz xətti mövcuddur və məsafə cəmi 5-7 kilometr olsa da, Xanəgah hələ də qazsızdır:
“İllər əvvəl qazlaşdırma ilə bağlı planlara kəndimizin də salındığı deyilmişdi. Amma bu günə kimi heç bir nəticə yoxdur. Meşələr onsuz da illərdir qırılır, buna çox heyfimiz gəlir, çox pis oluruq. Qaz olsa, həm biz rahatlığa çıxarıq, həm də təbiət qorunar”.
