Meyvəçilik və Çayçılıq Elmi Tədqiqat İnstitutunun Meyvə Bitkilərinin Seleksiyası Şöbəsinin müdirinə professor elmi adı verilib.
Quba rayon Zərdabi qəsəbə sakini Ələddin Nemət oğlu Sadıqov Azərbaycan Respublikasının Prezidenti yanında Ali Attestasiya Komissiyasının 20 fevral 2026-cı il tarixli qərarı ilə "Seleksiya və Toxumçuluq" ixtisası üzrə professor elmi adına layiq görülüb.
Shimal.News xəbər verir ki, 1956-cı ildə Dəvəçi rayonunun (indiki Şabran) Baş Əmirxanlı kəndində anadan olan Ələddin Sadıqov uzun illər aqrar sahədə elmi fəaliyyətlə məşğuldur.
O, müxtəlif dövrlərdə bağçılıq və seleksiya istiqamətində elmi işçi, aparıcı və baş elmi işçi vəzifələrində çalışıb.
2015-ci ildə kənd təsərrüfatı üzrə elmlər doktoru elmi dərəcəsi alan alim, hazırda meyvə bitkilərinin seleksiyası sahəsində elmi tədqiqatlarını davam etdirir.
