İllər ötüb məmurlar bir-birini əvəz etsə də, Qubada insanların çox istifadə etdiyi bazar yolunun dərdinə əncam çəkən, təmir edən tapılmır ki, tapılmır.
Shimal.News xəbər verir ki, vətəndaşlar Firidun Rəcəbov küçəsinin baxımsız vəziyyətdə olmasından şikayətçidirlər:
“Hər gün mindən çox adam Quba bazarına gəlir, amma bu küçə çox bərbad gündədir. Yolda hərəkət etmək olmur. Bazara gəlib çatana qədər adamın üst-başı palçıq olur”, - deyə sakinlər bildirib.
İcra nümayəndəsi Elvin Hüseynov məsələ ilə bağlı 2022-ci ildə bildirib ki, adıçəkilən küçə tezliklə asfaltlanacaq. Artıq 2024-cü ilin bitməsinə bir ay qalsa da, verilən vəd yerinə yetirilməyib. Deyəsən Qubanın müvafiq qurumları vəd verməkdən başqa bir işə yaramırlar.
