İntensiv yağıntılar nəticəsində bu gün səhər saatlarında Quba–Qonaqkənd–Muçu avtomobil yolunun 42-ci kilometrliyində, yolun keçdiyi ərazidə torpaq sürüşməsi baş verib.
Nəticədə avtomobil yolunun bir hissəsi yararsız vəziyyətə düşüb və nəqliyyatın hərəkətinə məhdudiyyət yaranıb.
Bu sözləri Avtomobil Yolları Dövlət Agentliyinin (AAYDA) Mətbuat xidmətinin rəhbəri Anar Nəcəfli deyib:
"Hadisə baş verən kimi Azərbaycan Avtomobil Yolları Dövlət Agentliyinin əməkdaşları dərhal əraziyə cəlb olunub, ərazi nəzarətə götürülüb, zəruri təhlükəsizlik tədbirləri görülüb.
Sürüşmə prosesi davam etdiyi üçün hazırda bərpa işlərinə naşlamaq mümkün deyil. Sürüşmə sabitləşdikdən sonra sözügedən hissədə müvəqqəti yolun salınması istiqamətində
işlərə başlanılacaq".
