Hazırda Qubada güclü külək sakinlərin qanını qaraldıb.
Bu barədə Shimal.News-a məlumat verən sakinlər bildirib ki, bəzi ərazilərdə elektrik təminatı dayandırılıb.
İşıq idarəsindən vətəndaşlara açıqlanan səbəb yerli əhalinin narazılığına səbəb olub. Qurum bildirib ki, külək əsməsi səbəbindən belə hal yaşanır.
“Hazırda Timiryazev, Alekseyevka, Nərimanabad, İqrığ, Zizik, Zərdabi, Vladimirovka və digər kəndlərdə isıq söndürülüb. Qubada bir balaca külək olan kimi bu hal yaşanır. Məsələ ondadır ki, bu problem illərdir var. Əvvəl deyirdilər, kabellər bir biri ilə toqquşa bilər və qəza olar. Hazırda yeni növ xətlər çəkilib ki, bu da təhlükəni aradan qaldırıb. Lakin yenə də köhnə bəhanədən istifadə edir işıq idarəsi”, - deyə sakinlər şikayət edir.
