Qubada Əliqulu Nərimanov küçəsində bir müddət əvvəl quraşdırılan süni maneə yığışdırılıb. Bu barədə ShimalNews 17 dekabr tarixində məlumat verir.
İki ay öncə məktəb yaxınlığında quraşdırılan sənaye üsulu ilə hazırlanan plastik tramplin artıq yoxdur. Lakin ondan yuxarıda yerləşən yolda maneə yaradan kəndir olduğu kimi qalır.
Sürücülər bildirirlər ki, H.Əliyev prospekti ilə yuxarı qalxan və Qəçrəşdən gələn bütün avtomobillər kəndirin üstündən keçməyə məcbur olur.
Nəqliyyat ekspertləri bu məsələ ilə bağlı fikir bildiriblər.
Onların sözlərinə görə, yol hərəkəti haqqında qanunun tələblərinə görə, hər hansı bir nişanın, nişanlanma xəttinin quraşdırılması Yol Hərəkəti Təhlükəsizliyi Komissiyasının qərarı ilə edilə bilər. Maneələrin quraşdırılması mütləq şəkildə dövlət qurumlarının icazəsi ilə həyata keçirilməlidir. Bu çərçivədən qırağa çıxmaq qanunaziddir.
Eləcə də belə süni maneələr uzaqdan yaxşı görünən, gecə vaxtı işığı əks etdirən səthə malik olmalı, hündürlüyü istənilən növ nəqliyyat vasitəsinin keçə biləcəyi qədər olmalıdır və onların qarşılarında xüsusi xəbərdarlıq nişanı da qoyulmalıdır.
[caption id="attachment_33634" align="alignnone" width="640"]
Photo Shimal.News[/caption]
