Quba şəhərinin mərkəzi küçələrinin birində günlərlə suyun küçəyə axmasının qarşısı alınıb.
Bir müddət öncə Quba sakinləri Shimal.News-a şəhərdə yaranmış xoşagəlməz vəziyyətlə bağlı məlumat veriblər. Şikayətdə qeyd edilirdi ki, M.F.Axundov və Rəşad Quliyev küçələrinin kəsişməsində, asfalt örtüyünün altında boru zədələnib və su yola axır. Çirkab suların içməli su ilə qarışdığı ehtimal edilirdi.
Bu vəziyyət 1 həftəyə yaxın davam edib. Artıq müvafiq qurumlar tərəfindən tədbir görülüb. Xüsusi texnika əraziyə cəlb olunaraq təmir işləri aparılıb.
