Quba avtovağzalında paytaxt istiqamətində sıxlıq müşahidə edilib. Bu haqda ShimalNews 20 iyun tarixində ATV-yə istinadən xəbər verir.
Adi günlərdə 300 insan yola salınırdısa, bayramdan sonra bu rəqəm 700-ə qədər yüksəlir. Sərnişinlər bəzi məqamlara dair narazılıqlarını bildiriblər:
“Gözləyirəm, deyə bilərəm ki, avtovağzal özü eləyir bu basabası. Əvvəldən sahmanlı iş görmürlər. Avtobus 50 nəfərlə dolub, 1 nəfəri gözləyir”, - deyə vətəndaş bildirib.
Eləcə də kondisionerlərin daim işləməməsi çətinlik yaradır.
Avtovağzaldan bildirilib ki, sərnişinlər çox olduğu üçün avtobuslar tez dolur. Lakin nəqliyyat hərəkəti vaxtla olduğu üçün ona uyğun tənzimləmə aparılır.
