Qubanın Aşağı Xuc kənd sakinləri icra başçısından asfalt salınmasını xahiş ediblər. Bu barədə ShimalNews 8 fevral tarixində RİH-yə istinadən məlumat verir.
Kənddə camaatla görüş keçirilib. Burada rayon rəhbəri Ziyəddin Əliyev, Dövlət Təhlükəsizliyi Xidmətinin Quba rayon şöbəsinin rəisi, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi, rayon Ağsaqqallar Şurasının sədri, rayonun bütün idarə, müəssisə və təşkilatlarının rəhbərləri iştirak ediblər.
Sakinlər bildiriblər ki, kəndin girişindən çıxışına kimi 1200 m uzunluğunda yol asfaltlanmayıb. Bu, stadiondan məscidin yanına və oradan Orta Xuca kimi birləşən yoldur.
İcra başçısı yol çəkilməsi üçün müvafiq tədbirlərin görülməsinə tapşırıq verib.
[video width="426" height="240" mp4="https://shimal.news/storage/photos/2023/02/328747704_5784463778257328_1422981312318855561_n_1.mp4"][/video]
