Quba rayonunun Alekseyevka kəndində çox istifadə edilən yolda təmir işləri aparılır. Bu barədə ShimalNews 22 fevral tarixində məlumat verir.
Quba-Bakı və Quba-Xaçmaz yolunu birləşdirən, Alekseyevka kənd orta məktəbinin yanından keçən yol yararsız vəziyyətə düşmüşdür. Yağışlı və qarlı havada yolda iri gölməçələr yaranaraq piyada və avtomobillərə maneə yaradırdı.
Bu gün səhər saatlarından başlayaraq “5 saylı Yol istismarı” MMC tərəfindən asfalt yolda bərpa işləri aparılır. Asfaltın zədəli hissəsi qaşınaraq yeni asfalt salınır. İşlərin günün sonuna kimi yekunlaşacağı gözlənilir.
Daha öncə yolun adıçəkilən hissəsində yaranmış vəziyyəti gündəmə gətirmişdik.
