Qubada 5 avtomobilin iştirakı ilə xəsarətlə nəticələnən zəncirvari qəza olub. Şahidlərin hadisəni törədən avtomobil sürücüsünün ərazidən yayındığı iddiası təstiqlənməyib. Bu barədə ShimalNews 6 dekabr tarixində məlumat verir.
Hadisə dekabrın 5-i saat 20:30 radələrində 223-cü atıcı diviziya küçəsində baş verib. “Faw”, “Mercedes”, “Toyota”, “Ford” və “VAZ” markalı avtomobillər toqquşub.
İlkin məlumata görə, 2 nəfər xəsarət alıb. “Bu aləmi qatan ağ “Faw” olub. Birinci “Mercedes”-ə dəyib. Sonra digər maşınlarla toqquşub. “Faw”-ın sürücüsü qaçıb”, - deyə hadisənin şahidləri bildiriblər.
Əldə olunan son məlumata görə, “FAW”-ın sürücüsü xəsarət alıb və Quba Müalicə Diaqnostika Mərkəzinə yerləşdirilib.
“Sağ olsunlar qubalılar, yardımıma çatıblar. Özümdə olmamışam, xəstəxanada gözümü açmışam”, - deyə “FAW”-ın sürücüsü bildirib.
