Qobustan rayonu ərazisində yol-nəqliyyat hadisəsi baş verib.
Shimal.News xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, mayın 23-də saat 19:00 radələrində "Chevrolet" markalı minik avtomobili və "Foton" markalı yük avtomobili toqquşub və sonuncu aşıb. "Foton"un sürücüsü Oğuz rayon sakini 30 yaşlı Zirəddin Abdulkərimov deformasiyaya uğramış nəqliyyat vasitəsində sıxılı vəziyyətdə qalıb.
Yanğınsöndürən-xilasedicilər həmin şəxsi xüsusi vasitələrin köməyi ilə xilas edərək təcili tibbi yardım briqadasına təhvil veriblər. O, sol qamış sümüyünün sınığı diaqnozu ilə Qobustan Rayon Mərkəzi Xəstəxanasına hospitalizasiya edilib.
Z.Abdulkərimova ilkin tibbi yardım göstərilib, instrumental və diaqnostik müayinələr edilib. Daha sonra pasiyent ixtisaslaşmış tibb müəssisəsi olan Elmi-Tədqiqat Travmatologiya və Ortopediya İnstitutuna təxliyyə edilib.
