Quba rayonunun Qəçrəş kəndi ərazisində su borusunun zədələnməsi hələ də aradan qaldırılmayıb.
Bu barədə Shimal.News-a danışan sakinlər bildiriblər ki, su xətti bir neçə yerdən deşilib və artıq bir həftədən çoxdur içməli su israf olunur.
Problem bununla da məhdudlaşmır. Axan su yol örtüyünü sıradan çıxarıb, nəticədə palçıq və sürüşkən sahələr yaranıb, bu isə həm piyadalar, həm də nəqliyyat üçün çətinlik yaradır.
Sakinlər aidiyyəti qurumların əraziyə baxış keçirərək su sızmasının qarşısını almasını və xəttin təmirini təmin etməsini gözləyirlər.
