Quba rayonunun turistik məkanlarından biri olan Qəçrəş istiqamətində avtomobil yolunda nəqliyyatın hərəkəti yenidən bərpa edilib. Bir müddət əvvəl təhlükəsizlik məqsədilə bağlanan yolda artıq gediş-gəliş təmin olunur.
Xatırladaq ki, Shimal.News mart ayında yolun kənarında baş vermiş torpaq sürüşməsinin uzun müddət aradan qaldırılmadığı, sürücülər və turistlər üçün ciddi təhlükə yaratdığı barədə material yayımlayıb.
Hazırda ərazidə hərəkət bərpa olunub və nəqliyyat vasitələrinin gediş-gəlişi təmin edilir.
Ümid edirik ki, yolun təhlükəsizliyi üçün görülən tədbirlər davamlı olacaq və bu cür problemlər gələcəkdə operativ şəkildə aradan qaldırılacaq.
