Xəbər verdiyimiz kimi, dekabrın 31-dən yanvarın 1-nə keçən gecə qazla bağlı tətbiq olunan limitin sıfırlanmasından sonra "Azəriqaz" İB-nin smart kart tipli sayğaclarının fəaliyyətində problem qeydə alınıb.
İstifadəçilər smart kartlara ödəniş edərkən problemlə üzləşdiklərini bildiriblər.
Shimal.News-a danışan Quba sakinlərinin sözlərinə görə, bu problem artıq aradan qaldırılıb. Onlar terminallardan yenidən ödəniş edə bildiklərini qeyd ediblər.
Bəs, hazırda sizin ərazidə qaz yüklənməsi ilə bağlı problem tam aradan qaldırılıbmı?
Məsələ ilə bağlı "Azəriqaz" İB-dən bildirilib ki, smart kart tipli bəzi qaz sayğaclarında ödəniş sistemində 2026-ci yanvarın 1-i tarixindən yaranmış problem həmin gün axşam saat 20:00 aradan qaldırılıb. Kütləvi əməliyyatlar aparılması zamanı sistem təkrar xətalarla üzləşib.
Qeyd edilib ki, təqvim ilinin əvvəli olması ilə əlaqədar müraciət sayı da çox olur. Yaranmış çətinliyin qısa müddətdə aradan qaldırılması istiqamətində mütəxəssislər ciddi iş aparır.
