Qaza görə ödənişlər hansı tariflə hesablanacaq? – RƏSMİ AÇIQLAMA

"Azəriqaz" İstehsalat Birliyi elan edib ki, smart-kart tipli sayğaclarda sıfırlanma dekabrın 31-dən yanvarın 1-nə keçən gecə həyata keçirilib. Mexaniki sayğaclarda isə bu proses yanvarın 6-da baş verəcək.

Tarif Şurası bir çox kommunal xidmətlər kimi, qaz istehlakına da yeni qiymətləri təsdiqləyib.

Yanvarın 2-dən yeni tariflərə əsasən:

• illik istehlak həcmi 1200 kub metr olan hissə üçün 1 kub metr təbii qazın tarifi 12 qəpikdən 0,5 qəpik (4,2%) artırılaraq 12,5 qəpik;


• 1200 kub metrdən 2500 kub metrədək olan hissə üçün 20 qəpikdən 2 qəpik (10%) artırılaraq 22 qəpik;


• 2500 kub metrdən çox olan hissə üçün 25 qəpikdən 5 qəpik artırılaraq (20%) 30 qəpik məbləğində təsdiqlənib.

• 48% abonent üzrə - 32 qəpik;


• 39% abonent üzrə - 1 manat 43 qəpik;


• 13% abonent (daha çox istehlak edən) üzrə - 7 manat 46 qəpik.

Eyni zamanda qeyd olunmalıdır ki, təbii qazın qaz paylayıcısına topdansatış qiyməti də 1 kub metr üçün 11,8 qəpikdən 13,5 qəpiyə, başqa sözlə 9,4% artırılıb.

Vətəndaşların bir çoxu mexaniki sayğaclarda sıfırlama yanvarın 6-da həyata keçirildiyindən yanvarın 2-dən 6-dək olan müddətdə qaz istehlakı hansı tarixlə hesablanacağının necə olacağını soruşur. Eləcə də smart-kart sayğaclara yeni qərardan öncə yüklənmiş məbləğ hansı tarifə əsasən hesablanacağı maraq doğurur.

Yenisabah.az-ın məlumatına görə, “Azəriqaz” İstehsalat Birliyi məsələyə aydınlıq gətirib:

“Ümumən sayğaclarda yenilənmələr artıq başa çatıb. Hazırda sistem üzərindən yeni tarifə hazırlıq prosesi gedir.

Tutaq ki, vətəndaş dekabr ayının sonu özünə məxsus smart-karta müəyyən məbləğ ödəniş yükləyib. Onu öncəki tariflə yüklədiyi üçün əvvəlki qiymətlə işlədəcək”, - deyə birliyin ictimaiyyətlə əlaqələr şöbəsinin rəisi Eldəniz Vəliyev bildirib.