Sürücülər bildirirlər ki, qaranlıq yollar nəinki narahatlıq yaradır, həm də qəza riskini xeyli artırır. Xüsusilə Bakı-Quba ödənişli avtomobil yolunda gecə saatlarında işıqlandırmanın olmaması ciddi narazılığa səbəb olub.
Bakupost.az-ın məlumatına görə, gecə saatlarında isə yol nişanlarının, dönmə zolaqlarının və səki xəttlərinin görünməməsi ciddi təhlükə yaradır. Son günlərdə bu yolda baş verən bəzi qəzaların məhz işıqlandırma probleminin nəticəsi olduğu qeyd olunur.
Məsələ ilə bağlı əlaqədar qurumlar tez-tez “enerji qənaəti siyasəti” apardıqlarını bildirirlər. Lakin belə hallar olur ki, gündüz – günəşli havalarda bəzi yollarda işıqlandırmanın işlək olması müşahidə olunur.
Məsələn, bu gün Bakının Heydər Əliyev prospektində işıqlandırma günorta saatlarına qədər sönməyib. Bu hal həm enerji israfına, həm də idarəetmədə nəzarət boşluğuna işarədir. Eyni mənzərə bir çox digər əsas yollarda da yaşanır.
Statistikaya görə, son 1 il ərzində magistral yollarda baş verən qəzaların təxminən 30 %-i məhz gecə saatlarında qeydə alınıb. Bu qəzalarda əsas səbəblərdən biri də “görünməyən yol şəraiti” kimi qeydə alınıb. Yəni işıqlandırma yalnız komfort deyil, həm də birbaşa həyat amilidir.
Mütəxəssislər və vətəndaşlar bu problemin həlli üçün aşağıdakı addımların atılmasını təklif edirlər:
