Qubanın ucqar kəndində və ən böyük qəsəbəsində uşaqların bayram ovqatına töhfə verilib.
Baku TV-nin "Kəndinə qayıt" verilişi bu səfər Xaltan kəndinə səfər edilib.
Şəhər mərkəzindən təxminən 70 kilometr aralıda yerləşən kənddə 2009-cu ilin siyahıyaalınmasına əsasən 624 nəfər yaşayır.
Veriliş zamanı Xaltan sakinlərinin gündəlik problemləri də diqqətə çatdırılıb.
Kənd sakini Novruz Yaqubov bildirib ki, infrastrukturun yaxşılaşdırılması əhalinin köçünün qarşısını ala bilər: "Kəndimizə asfalt yol çəkilsə, qaz xətti olsa, insanlar buradan köçməz, əksinə, kənd daha da inkişaf edər".
Buraxılış çərçivəsində aparıcı Yeni il münasibətilə kənd uşaqlarını hədiyyələrlə sevindirib.
Davam olaraq Zərdabi qəsəbəsində yerləşən internat məktəbinə də baş çəkilib.
Burada valideyn himayəsindən məhrum uşaqlarla yanaşı, aztəminatlı ailələrin övladları da yaşayır və təhsil alırlar. İnternat məktəbində uşaqlar üçün sürpriz hazırlanıb, onlara hədiyyələr təqdim edilib.
