Gəndov-Yalama avtomobil yolunun Xaçmaz rayonu ərazisindən keçən hissəsində yol-nəqliyyat hadisəsi qeydə alınıb.
Shimal.News xəbər verir ki,, “QAZ-3110”, “Mitsubishi Pajero” və “Kia Rio” markalı minik avtomobilləri toqquşub.
Nəticədə “Kia Rio”nun sərnişini müxtəlif dərəcəli bədən xəsarətləri alaraq deformasiyaya uğramış nəqliyyat vasitəsində sıxılı vəziyyətdə qalıb.
Hadisə yerinə Fövqəladə Hallar Nazirliyinin xilasediciləri cəlb olunub. Xüsusi vasitələrdən istifadə etməklə Şabran rayonunun Uzunboyad kənd sakini 37 yaşlı Təranə Cəfər qızı Əliyevanı xilas edərək təcili tibbi yardım briqadasına təhvil veriblər.
Hadisə ilə əlaqədar müvafiq qurumlar tərəfindən təhqiqat aparılır.
