Qəçrəş kəndində su təminatı ilə bağlı sıxıntı yaxın zamanlarda həll olunacaq. Bu barədə ShimalNews 4 fevral tarixində Quba RİH-yə istinadən məlumat verir.
Səyyar qəbul Qəçrəş kənd inzibati ərazi dairəsində baş tutub. Görüşə gələn sakinlər onları narahat edən məsələləri səsləndiriblər. Səslənən mövzular arasında Qəçrəş kəndinin su problemi də müzakirə edilib. İcra başcısı bildirib ki, məsələ istilər düşən kimi həll ediləcək.
Qəbulda Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi, Quba RPŞ-nin rəis müavini, RİH yanında İctimai Şuranın sədri, rayonun bütün idarə, müəssisə və təşkilatlarının rəhbərləri iştirak ediblər.
