Naftalan sakini 75 yaşlı Mobil Babaxanov deyir ki, ona göndərilən cərimə Qəbələ ərazisində qeydə alınıb.
"Xəzər Xəbər" TV-nin məlumatına görə, həmin vətəndaş “VAZ” markalı minik maşını idarə edir. Ona isə “QAZ-24” markalı avtomobilin cəriməsi gəlib. Halbuki heç vaxt belə bir avtomobili olmayıb.
Mobil Babaxanov məsələnin araşdırılmasını, ona yazılan cərimənin ləğv edilməsini istəyir.
Məsələ ilə bağlı Daxili İşlər Nazirliyinin Mətbuat xidmətindən bildirildi ki, araşdırılma üçün vətəndaş Baş Dövlət Yol Polisi İdarəsinə müraciət etməlidir.
