Qorağan-Qax-Zaqatala avtomobil yolunda xəsarətlə nəticələnən qəza baş verib.
Shimal.News-un əldə etdiyi məlumata görə, Qəbələ rayonu, Zarağan kənd sakininin idarə etdiyi “Ford” markalı yük maşını ilə “Hyundai” markalı minik avtomobili toqquşub.
Nəticədə “Ford”un sürücüsü 44 yaşlı Kamran Əzizov Qax rayon Mərkəzi Xəstəxanasına yerləşdirilib.
Şahidlərin sözlərinə görə, “Hyundai” markalı minik avtomobili “Ford”a çırpılıb. Sonuncu idarəemədən çıxıb və yol kənarındakı ağaca dəyib. Hər iki nəqliyyat vasitəsi yararsız hala düşüb.
Faktla bağlı araşdırma aparılır.
