Ödənişli yolda axının əks-istiqamətində hərəkət edən avtomobilin sürücüsü cəzalandırlıb. Bu barədə ShimalNews 17 fevral tarixində məlumat verir.
Bakı-Quba-Rusiya Federasiyası ilə dövlət sərhədi avtomobil yolunda baş vermiş qayda pozuntusu sosial mediada qınaq obyektinə çevrilib. “VAZ-2121” markalı, 27-BZ-071 dövlət qeydiyyat nişanlı avtomobilin görüntüləri yayılıb.
Baş DYP İdarəsi tərəfindən araşdırma aparılıb. Sürücü – Xaçmaz rayon sakini Namiq Ağayev məsuliyyətə cəlb olunub.
İdarə tərəfindən bildirilb ki, həmin şəxs əməlini yolda qalan ailə üzvünə köməklik göstərməyə tələsməsi ilə əsaslandırmağa çalışıb. Bu addımı atmaqla o, özünün, doğmalarının, həm də neçə-neçə günahsız insanın həyatını təhlükəyə atmasının fərqinə varmayıb.
[video width="1920" height="1080" mp4="https://shimal.news/storage/photos/2024/02/117.mp4"][/video]
