Turizm zonasına aparan yolun 1 km hissəsinin dərdinə əlac edən tapılmır.
Shimal.News məlumat verir ki, 2019-cu ildə Xudat-Nabran yolu əsaslı təmir edilsə də, 1 km-lik hissəyə asfalt döşəmək yaddan çıxıb.
Turistlərin, yerli sakinlərin istifadəyə etdiyi bu daşlıq, tozlu-torpaqlı yolu təmir etmək 6 ildir ki, heç kimin yadına düşmür. Ərazidə avtomobillər 10-20 km/saat sürətlə hərəkət edirlər. Sakinlər bildirir ki, övladlarını məktəbə aparmaq üçün də bu yolla getməli olurlar:
“Yol təmirsiz olduğu üçün bəzən avtobus da gəlmir, əziyyət çəkirik. Bura istirahət zonasıdır, belə yolu görən turist bura bir də gələrmi? Bəzi qonaqlar yolun bərbad vəziyyətini görüb avtomobillərini dəniz kənarında sürürlər, nəticədə quma batırlar. Avtomobillərin dəniz kənarı ilə hərəkəti burada dincələnləri də narahat edir. Dəfələrlə aidiyyəti qurumlara bu yolun təmirini xatırlatsaq da, real nəticə yoxdur. Yolun təmirsiz olması səbəbindən istirahət mərkəzlərinə gələnlərin sayı da azalıb”.
