Havaların isinməsi ilə əlaqədar istirahət mərkəzlərinə, xüsusən də dəniz kənarına axın güclənib. Bu istiqamətlərdən biri də dəniz kənarında yerləşən, qızmar günəş şüalarından qurtulmaq üçün turistlərin üz tutduğu Nabrandır. Amma insan axını ərazidə sıxlığa və uzun tıxaca səbəb olub.
Bu barədə Shimal.News-a sürücülər məlumat veriblər.
“Nabran-Xudat yolunda maşın həddən artıq çox idi. Uzun tıxaclar müşahidə olub. Bundan savayı, sürücülərin əksəriyyəti yol hərəkəti qaydalarına riayət etməyib”, - deyə şikayətdə bildirilir.
Məlumatda qeyd edilir ki, xaos və tıxac axşam saatlarına qədər davam edib. Səbrsiz sürücülərin qarşı zolağa çıxması, yolun kənarı və dəniz sahili ilə ötüb getmək istəyənlərin sayı, mübahisələr, xırda qəzalar vəziyyəti daha da qəlizləşdirib. Bu isə haqlı olaraq yerli sakinlərin ciddi narazılığına səbəb olub.
View this post on Instagram
