Quba-Xaçmaz Regional Təhsil İdarəsində növbəti kadr dəyişikliyi baş verib.
Əldə olunan məlumata görə, iki gün əvvəl idarənin İnzibati Təşkilat sektorunun müdiri vəzifəsinə yeni təyinat həyata keçirilib.
Əvvəlki müdir Fikrət Heybətovun yerinə Quba-Xaçmaz Regional Təhsil İdarəsinin rəisi Coşqun Əliyevin əmri ilə Kamran Əliyev təyin olunub.
Bildirilir ki, Kamran Əliyev uzun illər Quba rayonundakı liseylərdən birinin direktoru vəzifəsində çalışıb.
Qeyd edək ki, Quba-Xaçmaz Regional Təhsil İdarəsi tərəfindən sözügedən təyinatla bağlı hələlik rəsmi açıqlama verilməyib.
Mənbə: Bizim.Media
