İsmayıllı rayonu Lahıc-Pirqulu avtomobil yolunun ən kəskin və təhlükəli hissəsində asfalt örtüyü dağıldığı üçün hərəkət etmək çətinləşib.
Shimal.News xəbər verir ki, bununla bağlı sosial şəbəkələrdə paylaşım edilib.
Qeyd olunur ki, yolun təmirə ehtiyacı olsa da, indiyədək məsul qurumlar tərəfindən hər hansı bir tədbir görülməyib. Yolun vəziyyəti həm sürücülər, həm də sərnişinlər üçün ciddi təhlükəyə səbəb olur. Eyni zamanda, yay fəsli turizm aylarıdır. Şamaxı və İsmayıllıya turist axınını nəzərə alsaq, istirahət edənlərin hansı mənzərə və çətinliklə qarşılaşdığını anlaya bilərik.
