Shimal.News-un gündəmə gətirdiyi Qəbələ rayonunun Topbağ kəndində infrastruktur çatışmazlığı ilə bağlı qismən də olsa tədbirlər görülməyə başlanılıb.
Redaksiyamız tərəfindən yayımlanan materialdan sonra, kəndə aparan yararsız yolun bəzi hissələrinə müvafiq qurumlar tərəfindən qum və daş qarışığı səpilib. Bu müdaxilə hərəkətin nisbətən asanlaşmasına şərait yaratsa da, sakinlər problemin köklü həlli üçün yolun əsaslı təmirinə ehtiyac olduğunu bildirirlər.
Xatırladaq ki, rayon mərkəzindən 30 kilometr aralıda yerləşən Topbağ kəndinə gedən yol uzun illərdir asfaltlanmayıb və yağıntılı havalarda keçilməz vəziyyətə düşür. Sakinlər yol və qaz təminatının olmaması səbəbindən kənddən köçün artdığını qeyd edirdilər.
Sakinlər ümid edirlər ki, atılan addımlar problemin tam həllinə doğru davam etdiriləcək.
