Bu gün şəhidlərimiz Murad İskəndərov, Səbuhi Hüseynov və Elşən İbrahimovun doğum günüdür.
Murad Əlağa oğlu İskəndərov 2004-cü il martın 27-də Qusar rayonunda anadan olub.
O, Qusar rayonunun Çiləgir kəndində yerləşən şəhid Ə. Əlyarov adına tam orta məktəbdə təhsil alıb. 20 sentyabr 2023-cü ildə lokal xarakterli antite**or tədbirləri zamanı şəhid olub.
Murad İskəndərov ölümündən sonra "Vətən uğrunda" medalı və 3-cü dərəcəli "Vətənə xidmətə görə" ordeni ilə təltif edilib.
Səbuhi Məhbub oğlu Hüseynov 27 mart 2002-ci ildə Xaçmaz rayonunda anadan olub. O, 2-ci kursda təhsilini donduraraq hərbi xidmətə yollanıb.
Azərbaycan Silahlı Qüvvələrinin hərbi qulluqçusu olan Səbuhi Hüseynov lokal antite**or tədbirləri zamanı Xocavənd istiqamətində gedən döyüşlərdə şəhid olub.
O, ölümündən sonra "Vətən uğrunda" medalı və 3-cü dərəcəli "Vətənə xidmətə görə" ordeni ilə təltif edilib.
Şəhid Səbuhi Hüseynov Şamaxı rayonunun Şəhidlər xiyabanında dəfn edilib.
Elşən Cahangir oğlu İbrahimov 2002-ci il martın 27-də Şəki şəhərində anadan olub. 2008-ci ildə Şəki şəhər 11 nömrəli tam orta məktəbdə birinci sinfə gedib. Həmin məktəbi 2019-cu ildə bitirib və Bakı Sosial-İqtisad Kollecinin "Bank işi" ixtisasına qəbul olunub.
Elşən İbrahimov 2020-ci ilin may ayında Azərbaycan Silahlı Qüvvələrinin sıralarına müddətli həqiqi hərbi xidmətə çağırılıb.
O, oktyabrın 4-də Tərtər rayonu istiqamətində gedən döyüşlər zamanı şəhid olub. Şəki şəhərində dəfn edilib.
Elşən İbrahimov ölümündən sonra "Vətən uğrunda", "Laçının azad olunmasına görə" və "Suqovuşanın azad olunmasına görə" medalları ilə təltif edilib.
