Xaçmaz şəhərində, Mərkəzi Poçtun qarşısında yerləşən və sakinlərin "Heyvanlar parkı" adlandırdığı məkanda təmir işləri aparılır.
Shimal.News xəbər verir ki, hazırda parkın metlax örtüyü sökülür. Təxminən bir həftədir davam edən işlər çərçivəsində köhnə örtüyün yenisi ilə əvəzlənəcəyi bildirilir.
Qeyd edək ki, parkda təmir işlərinə hələ yaz aylarında başlanılıb. Həmin vaxt ərazidəki təxminən 10 fəvvarə sökülərək onların yerində həmişəyaşıl ağaclar əkilib. Lakin sakinlərin sözlərinə görə, əkilən ağacların bir qismi hazırda quruyub.
Daha sonra parkda səkilərin təmiri işləri aparılıb. Hazırda isə döşəmə örtüyünün yenilənməsinə başlanılıb.
