Xaçmaz rayonunun Hacıəlibəy kəndi infrastruktur problemləri ilə üz-üzədir.
Bu barədə yerli sakinlər Shimal.News-a etdikləri müraciətdə bildiriblər.
Onların sözlərinə görə, kəndin əsas mərkəzi yolu, yay aylarında toz-torpaq, qışda isə palçıq və gölməçə olduğu üçün keçilməz olur. Bu vəziyyət həm piyadalar, həm də nəqliyyat vasitələri üçün ciddi çətinliklər yaradır:
"İllərdir Hacıəlibəy kəndi diqqətdən kənarda qalıb, yolları uzun müddətdir təmir olunmur. Xüsusilə qış aylarında palçıq səbəbindən yollar keçilməz hala gəlir, ara küçələrdə ümumiyyətlə hərəkət etmək olmur. Kəndimizin adı Hacıəlibəy olsa da, yolları nə hacıya, nə də bəyə layiqdir", - deyə yerli sakinlər vurğulayıblar.
Ümid edirik ki, aidiyyəti qurumlar Hacıəlibəy kəndinin problemlərinə diqqət yetirəcək və yolların təmiri üçün zəruri tədbirlər görüləcək.
View this post on Instagram
