Xaçmaz rayonunda "Konstitusiya və Suverenlik İli" çərçivəsində "Fest-Payız 2025" adlı festival təşkil olunub.
Shimal.News xəbər verir ki, tədbir Xaçmaz Rayon İcra Hakimiyyəti və Quba-Xaçmaz Regional Təhsil İdarəsinin birgə təşkilatçılığı ilə Heydər Əliyev Mərkəzində keçirilib.
İştirak edənlərin sırasında icra başçısı Elnur Rzayev, Quba-Xaçmaz Regional Təhsil İdarəsinin müdiri Coşqun Əliyev və təhsil ictimaiyyətinin nümayəndələri iştirak ediblər.
Rəsmi qonaqlar əvvəlcə mərkəzin foyesində Uşaq-Gənclər İnkişaf Mərkəzinin yetirmələrinin əl işlərindən ibarət rəsm və tətbiqi sənət nümunələri ilə tanış olublar.
Sonra şagirdlərin hazırladığı rəngarəng bədii proqram musiqi və rəqs nömrələri, səhnəciklər və yaradıcı çıxışlarla qonaqlara bayram ovqatı bəxş edib.
