Qubanın şərq qapısı sayılan Barlı kəndində ciddi antisanitar vəziyyət yaranıb.
Shimal.News-a daxil olan məlumata görə, artıq 4 aydır kənddə iki kanalizasiya lükundan daşan çirkab sular ətrafa yayılır. Daha sonra Samur-Abşeron kanalına axaraq ekoloji təhlükə yaradır.
Sakinlərin sözlərinə görə, problem nəticəsində 50-yə yaxın ağac quruyub, ərazini isə kəskin üfunət iyi bürüyüb. Xüsusilə insanların sıx hərəkət etdiyi bu hissədə yaranan vəziyyət həm əhalinin sağlamlığı, həm də ətraf mühit üçün ciddi narahatlıq doğurur.
Sakinlər bildirirlər ki, dəfələrlə aidiyyəti qurumlara müraciət etmələrinə baxmayaraq, problem hələ də aradan qaldırılmayıb.
Onlar məsələni nəzarətə götürərək kanalizasiya sistemindəki nasazlığın və ərazidə yaranmış antisanitar vəziyyətin aradan qaldırılmasını xahiş edirlər.
