Xaçmaz rayonunun Qıraqlı-Ağaşirinoba-Manafoba kənd yolu uzun müddətdir təmirsiz vəziyyətdədir.
Bu barədə Shimal.News-a yerli sakinlər müraciət ediblər.
Bildiriblər ki, 10 km-lik bu yol adıçəkilən kəndlərin Gəndov-Yalama avtomobil yoluna çıxışını təmin edir. Lakin uzun müddətdir ki, bu yolda təmir işləri aparılmadığı üçün gediş-gəliş çətinləşib:
"Kənd təsərrüfatı ilə dolanırıq. Becərdiyimiz məhsulu bazarlara çıxara bilmirik, yol elə vəziyyətdir ki, gedib-gəlmək olmur. Əziyyət çəkirik, avtomobillərimiz tez-tez sıradan çıxır. Qış aylarında gölməçələrdən, yayda tozdan bu yolla irəliləmək işgəncəyə çevrilir”- deyə yerli sakinlər qeyd ediblər.
