Bu ilin yanvar-fevral aylarında ölkəmizin dəmir yolları ilə 1 milyon 413 min 958 nəfər sərnişin daşınıb ki, bu da əvvəlki ilin eyni dövrü ilə müqayisədə 12 % çoxdur.
Bu barədə Shimal.News “Azərbaycan Dəmir Yolları” Qapalı Səhmdar Cəmiyyətinə istinadən məlumat verir.
Bildirilib ki, hesabat dövründə ölkənin polad magistralları ilə daşınmış sərnişinlərin 5.484-ü Bakı – Qəbələ – Bakı, 11 min 351-i isə Bakı– Balakən – Bakı qatarlarının payına düşüb.
İlin ilk 2 ayında qatarla səfər edən xarici turistlərin sayı 38 faiz artaraq 3 min 763 olub.
