Qusarın icra başçısı Sahir Məmmədxanov Caqarqışlaq kəndində səyyar vətəndaş qəbulu keçirib.
Shimal.News xəbər verir ki, görüş zamanı sakinlər bir sıra problemləri səsləndiriblər. Müraciətlər əsasən Caqarqışlaq kəndi ilə Minaxür kəndi arasındakı çınqıllı yolun asfaltlanması, kənddə məscid binasının tikintisi, qəzalı vəziyyətdə olan elektrik dirəklərinin yenilənməsi və digər məsələlərlə bağlı olub.
Rayon icra hakimiyyətinin başçısı qaldırılan məsələlərin diqqətlə araşdırılacağını bildirib və aidiyyəti qurumların rəhbərlərinə müvafiq tapşırıqlar verib.
Qeyd olunub ki, sakinlərin müraciətlərinin icrası nəzarətdə saxlanılacaq və görülən işlərlə bağlı vətəndaşlara əlavə məlumat veriləcək.
