Azərbaycan universitetləri öz əməkdaşlarını sevindirməyə davam edir.
Qarşıdan gələn bayramlarla əlaqədar öz işçilərinə pul mükafatı verən ali təhsil ocaqlarının siyahısına qoşulanların sayı artıb.
Belə ki, Qarabağ Universitetinin rektoru Şahin Bayramovun əmrinə əsasən universitetin bütün əməkdaşlarına 500 manat mükafat verilib.
Həmçinin, Azərbaycan Dövlət Rəssamlıq Akademiyasında rektor Natiq Əliyevin müvafiq əmrinə əsasən, akademiyanın əməkdaşlarına bayramlarla əlaqədar bir aylıq əməkhaqqı həcmində mükafat ödənilib.
Eyni zamanda, Mingəçevir Dövlət Universitetində rektor Anar Eminovun imzaladığı əmrə əsasən, MDU-nun bütün əməkdaşlarına 300 manat məbləğində bayram mükafatı verilib.
UNEC-in Zaqatala filialında isə direktor Raqif Qasımovun müvafiq əmri ilə filialın bütün əməkdaşlarına bayramlarla əlaqədar 200 AZN mükafat təqdim olunub. (yenisabah)
