Cəmiyyətin xidmət zonasına daxil olan 9 dağ rayonunda - Quba, Qusar, Xaçmaz, Siyəzən, Şabran, Şuşa, Qəbələ, Lerik və Şamaxıda payız-qış mövsümü ərzində 39 qazanxana və 1 istilik məntəqəsi vasitləsi ilə 34 yaşayış binası, 16 orta məktəb, 3 uşaq bağçası, 2 səhiyyə müəssisəsi, 18 sosial və təsərrüfat hesablı obyektlər istiliklə təchiz olunacaq.
Shimal.News xəbər verir ki, bu barədə məlumatı “Azəristiliktəchizat” ASC yayıb. Qurumun açıqlamasında bildirilib ki, Azərbaycan Respublikası Nazirlər Kabinetinin 5 sentyabr 2023-cü il tarixli 303 nömrəli qərarı ilə təsdiq edilmiş “İstilik enerjisindən istifadə qaydaları”na əsasən respublikanın dağ rayonlarında 1 noyabr tarixindən etibarən istilik verilişinə başlanılıb.
Məlumata görə, sözügedən 9 dağ rayonunda istiliyin verilişi növbəti ilin may ayının 1-nə qədər davam edəcək.
