Bu gün Vətən müharibəsi şəhidi İlahəddin Məmmədovun doğum günüdür.
Shimal.News xatırladır ki, İlahəddin Məmmədov 2 iyul 2001-ci ildə Xaçmaz rayonunda anadan olub.
Azərbaycan Ordusunun əsgəri olan İlahəddin Məmmədov 2020-ci il sentyabrın 27-də başlayan Vətən müharibəsində Kəlbəcər, Cəbrayıl, Füzuli və Xocavənd istiqamətlərində gedən döyüşlərdə fəal iştirak edib.
O, 2020-ci il oktyabrın 12-də Xocavənd rayonu ərazisində döyüş tapşırığını yerinə yetirərkən düşmənin açdığı atəş nəticəsində qəlpə yarası alaraq şəhidlik zirvəsinə ucalıb.
İlahəddin Məmmədov Azərbaycanın ərazi bütövlüyünün bərpası uğrunda göstərdiyi şücaətə görə ölümündən sonra "Azərbaycan Bayrağı" ordeni, həmçinin "Şücaətə görə", "Cəsur döyüşçü", "Döyüşdə fərqlənməyə görə", "Vətən müharibəsi iştirakçısı", "Kəlbəcərin azad edilməsinə görə" və "Füzulinin azad edilməsinə görə" medalları ilə təltif edilib.
Allah bütün şəhidlərimizə rəhmət eləsin, əziz xatirələri daim ehtiramla anılsın.
