Bu gün Vətən müharibəsi şəhidi Rafik Bəyverdiyevin doğum günüdür.
Rafik Bəyverdiyev 1 iyun 1998-ci ildə Qusar rayonunun Cibir kəndində anadan olub. 2005-2016-cı illərdə Cibir kənd tam orta məktəbində təhsil alıb. Daha sonra həqiqi hərbi xidmət keçib.
2020-ci il sentyabrın 27-də Vətən müharibəsi başlayarkən SHXÇDX-yə müraciət edərək döyüşlərə qatılan Rafik Bəyverdiyev cəbhədə göstərdiyi şücaətlə silah yoldaşları arasında "Rembo Rafik" ləqəbi ilə tanınıb.
O, 20 oktyabr 2020-ci ildə döyüş tapşırığını yerinə yetirərkən şəhid olub. Şəhidin nəşi noyabrın 17-də qarşı tərəfdən götürülərək ailəsinə təhvil verilib və Qusar rayonunda dəfn olunub.
Azərbaycan Prezidenti İlham Əliyevin sərəncamları ilə Rafik Bəyverdiyev ölümündən sonra "Vətən uğrunda", "Cəbrayılın azad olunmasına görə", "Füzulinin azad olunmasına görə" və "Xocavəndin azad olunmasına görə" medalları ilə təltif edilib.
Allah rəhmət eləsin.
