Milli Hidrometeorologiya Xidməti bildirib ki, ölkə ərazisində yağıntılı hava şəraiti müşahidə olunub.
Shimal.News xəbər verir ki, düşən yağıntının miqdarı Sarıbaşda (Qax) 9 mm, Balakən və Oğuzda 5 mm təşkil edib. Şəki, Qəbələ, Zaqatala, Xaltanda (Quba) 3 mm, İsmayıllı, Şamaxı, və Xızıda 2 mm yağıntı qeydə alınıb.
Qeyd olunub ki, martın 20-də bəzi ərazilərdə qərb küləyi əsib, küləyin maksimal sürəti Qusarda (Şahdağ) 20 m/s, Şabranda isə 18 m/s-dək güclənib.
Bundan əlavə, Balakən, Şəki, Oğuz, Qəbələ, Quba, Şamaxı, Qusar və Qobustanda duman müşahidə olunub, görünüş məsafəsi 500 metrədək məhdudlaşıb.
