Xaçmaz istiqamətində qatar reysi istifadəyə verilsə, avtomobillərdən az istifadə olunardı.
Bunu yol hərəkəti üzrə ekspert Ərşad Hüseynov Musavat.com-a bildirb.
Onun sözlərinə görə ölkəmizdə ictimai nəqliyyat sərnişinlərin tələblərinə cavab vermir. Bu məsələdə xeyli çatışmazlıqlar var.
Cəmi iki istiqamətdə: Bakı-Qəbələ və Bakı-Qazax qatarları işləyir. Bakı-Sumqayıt isə şəhərətrafı daşımadır. İctimai nəqliyyat zəif olduğuna görə insanlar avtomobildən istifadə etməyə məcburdular. Bu zaman isə köhnə avtomobillər alınır ki, bu da öz növbəsində qəzalardan yayınmağa imkan vermir.
Ekspert bildirir ki, yol hərəkəti təhlükəsizliyi ilə bağlı dövlət proqramları və hazır standartlar var. Hətta BMT-nin bununla bağlı direktivlərindən də istifadə etmək olar. 2018-ci ildə yol hərəkəti təhlüksizliyi ilə bağlı Azərbaycanda dövlət proqramı hazırlanmışdı. Orada vəziyyətdən çıxış yolları göstərilmişdi. Lakin 5 illik plan kağız üzərində qaldı, icra olunmadı. Ona görə də belə davam edir.
