Ödənişli yol istifadəyə veriləndən sonra köhnə Bakı-Quba yolunun şimal istiqamətində təmir işlərinə başlanılacaq. Bu barədə ShimalNews 31 yanvar tarixində Bizim.Media-ya istinadən məlumat verir.
Millət vəkili Vahid Əhmədovun sözlərinə görə, bu il mayın 10-da ümummilli lider Heydər Əliyevin 100 illiyi ilə əlaqədar Bakı-Quba-Rusiya sərhədinə çəkilən ödənişli yol istifadəyə hazır olacaq və açılışı keçiriləcək:
“Ondan sonra Bakı-Quba yolunun əsaslı bərpası nəzərdə tutulur. Çünki yolun Qubadan Bakıya gələn hissəsi təmirə bağlandıqdan sonra Bakıdan Qubaya gedən hissəsi də sıradan çıxıb, indi bu zolağın təmirə dayandırılması planlaşdırılır”.
